10 кастрычніка ў гарадской бібліятэцы № 2 прашлі інфахвілінкі каля кніжнай выстаўкі «Юбіляр. Эдзі Агняцвет» да 110 гадоў з дня нараджэння пісьменніцы.
Эдзі Сямёнаўна Агняцвет – паэтэса, перакладчыца, аўтар шматлікіх твораў для дзяцей, кавалер ордэна «Знак Пашаны». Адзначана Міжнародным ганаровым дыпломам імя Х.К. Андэрсена за кнігу вершаў і перакладаў для дзяцей «На двары алімпіяда». Творы Э. Агняцвет для дзяцей вызначаюцца дабрынёй, гумарам, звонкасцю вершаваных радкоў, займальнымі сюжэтамі, паэтычнымі адкрыццямі. Аутар кніг «У свеце дабрыні», «Рэчка, рэчанька мая», «Буду настаўнікам», «Пад сінім небасхілам», «Мой рыжы Бім» і інш. Маленькія чытачы твораў паэткі атрымаюць вялікае задавальненне ад цудоўных твораў, засвояць многія важныя ісціны і правілы паводзін, навучацца прыгожаму беларускаму маўленню. Падрыхтавала: Новік О. В.
2023-10-10