29 красавіка чытачы Цэнтральнай бібліятэкі ім. І.Х. Каладзеева мелі магчымасць пазнаёміцца з выданнямі, якія раскрываюць патэнцыял культурнай сферы нашай краіны. Унікальныя выданні, альбомы, кнігі брашуры прадставіла зала краязнаўства. Нацыянальная бібліятэка Рэспублікі Беларусь, Нацыянальны гісторыка-культурны музей-запаведнік “Нясвіж”, тэатральная Беларусь, Полацк музейны – далёка няпоўны спіс тэм, раскрытых на выставе.
29 красавіка ў дзіцяча-юнацкім аддзеле цэнтральнай бібліятэкі прайшлі гучныя чытанні, прысвечаныя творчасці вядомай беларускай пісьменніцы Тамары Бунты і яе кнізе «Дзяўчынка з вішнёвага завулка». Гэта цудоўная магчымасць пазнаёміць юных чытачоў з сучаснай беларускай літаратурай у жывым фармаце.
20 сакавіка адзначаецца Сусветны дзень жабкі, таму гучныя чытанні на беларускай мове, якія адбыліся 19 сакавіка ў дзіцячым садку №32 для выхаванцаў старэйшых груп, былі прысвечаныя гэтай цікавай і карыснай істоце.
11 сакавiка супрацоўнікi сектара абслугоўвання і інфармацыі "Чытальная зала" пазнаёмiлi чытачоў пенсійнага ўзросту з апавяданнем і харэаграфічнай замалёўкай "Ой, Лявоніха, Лявоніха мая!" у рамках рэалізацыі рэспубліканскага праекта "Кожная пятніца - роднае, сваё".
11 красавіка для вучняў пятых класаў ДУА «Беларускамоўная гімназія №2 г. Барысава» адбыўся творчы занятак, прысвечаны святу Вялікдня.
У рамках рэспубліканскага праекта «Кожная пятніца — роднае, сваё», ініцыяванага Міністэрствам антыманапольнага рэгулявання і гандлю Рэспублікі Беларусь, адбылася пазнавальная слайд-гутарка на тэму «Нашы рарытэты: калекцыя экслібрысаў “Каладзееўкі”».
12 сакавіка гарадская бібліятэка №1 правяла для навучэнцаў 9Б класа ДУА «Сярэдняя школа №9 г. Барысава» літаратурны агляд «Смех і гнеў сатырыка», прысвечанаму жыццю і творчасці народнага пісьменніка Беларусі Кандрата Крапівы.
