Калядныя павячоркі адбыліся ў гарадской бібліятэке №4 сямейнага чытання 16 студзеня.
Супрацоўнікі бібліятэкі гасцінна адчынілі дзверы калядоўшчыкам. І бібліятэкары, і чытачы, ў тым ліку маленькія, сталі сведкамі цікавага абрада. Калядныя песні, шчадроўкі, байкі прагучалі ў выкананні пазітыўных, вясёлых і актыўных чытачак залатога ўзросту. Жанчыны паднялі настрой і дарослым наведвальнікам, і хлопчыкам і дзяўчынкам 1 “Д” класа ДУА “Сярэдняя школа №20” – яны з задавальненнем, ў адказ на калядкі і пачастункі, расказвалі вершы. Фальклорны абрад скончыўся традыцыйным частаваннем.
2023-01-17