Вітаем кніжку беларускую

Оформление
  • Мин. Малинький Средний Большой Макс.
  • По умолчанию Helvetica Segoe Georgia Times

2 верасня ў сельскай бібліятэцы №33 в.Маісееўшчына напярэдадні Дня беларускага пісьменства прайшла літаратурная гадзіна “Вітаем кніжку беларускую” з вучнямі 3 класа ДУА “Маісееўшчынскі вучэбна-педагагічны комплекс дзіцячы сад-сярэдняя школа Барысаўскага района”.

Дзеці пазнаёміліся з гісторыяй свята Дня беларускага пісьменства, прасачылі шлях, які прайшла кніга на беларускай зямлі, бліжэй пазнаёміліся з жыццём і дзейнасцю беларускіх асветнікаў. Таксама прысутныя  пазнаёміліся  з творамі для дзяцей сучасных беларускіх пісьменнікаў, адкрылі для сябе новыя імёны ў беларускай літаратуры.

Далей вучням было прапанавана знаёмства з кніжнай  выставай “Юбілеі класікаў – свята народнае”, прысвечанай 140-годдзю з дня нараджэння беларускіх пісьменнікаў Я.Купалы і Я.Коласа.

У канцы мерапрыемства дзеці з задавальненнем паслухалі творы  У.Ліпскага з кнігі “Мая Беларусь” з канала “Казкі на канапе”.

2022-09-02