13 мая дзіцячы аддзел цэнтральнай бібліятэкі наведалі вучні 2 “Б” класа ДУА “Сярэдняя школа № 6 г. Барысава”. У рамках праекта “В некотором царстве, в некотором государстве …” прайшлі гучныя чытанні “Чаму Меша не мае хаты?”.
Хто такі Меша? Яго можна назваць беларускiм бабайкам, бо некалi мамы i бабулi палохалi iм неслухмяных дзяцей. Але адкуль у яго чорная поўсць, калючы нораў i, галоўнае, чаму Меша пакiнуў сваю цёплую печку i цяпер не мае хаты?
Дзеці з захапленнем слухалі і адказвалі на ўсе пытанні незвычайнай гісторыі пра Мешу. А бібліятэкар Валерыя Клімковіч-Ігнатовіч пазнаёміла вучняў з цудоўнай і чароўнай творчасцю Надзеі Ясмінска.
2021-05-18