• 0

Городская библиотека № 6

-  Гісторыя нашай бібліятэкі пачалася пасля Вялікай Айчыннай вайны ў 1947 годзе.
Знаходзілася яна ў весцы Лошніца і мела назву раённая бібліятэка. Загадчыкам спачатку быў Кавалёў Канстанцін Аляксандравіч.
-  У 1949 годзе раённая бібліятэка была пераведзена ў г. Барысаў і знаходзілася на вул.Дзяржынскага. Памяшканне было невялікім, 20 м2, складалася з аднаго пакою. Меўся хатні абанемент і перасовачны фонд. Абслугоўвалася толькі дарослае насельніцтва.
-  Новае памяшканне раённая бібліятэка атрымала ў 1958 годзе па вуліцы Ш-га Інтэрнацыянала, 24, дзе бібліятэка знаходзіцца і да цяперашняга часу.
- У 1979 годзе ў сувязі з цэнтралізацыяй бібліятэк раёна бібліятэка набыла статут цэнтральнай  раённай. Яна стала адміністрацыйным і метадычным цэнтрам для 53–х сельскіх бібліятэк.
-  Дырэктарам раённай цэнтралізаваннай бібліятэчнай сістэмы была назначана Капылова Святлана Пятроўна.
-  З 1986 да 2007 года нязменным дырэктарам раённай цэнтралізаваннай бібліятэчнай сістэмы была Цыбулька Алена Міхайлаўна.
-  8 лютага 1962 года была адчынена раённая дзіцячая бібліятэка на вуліцы Гогаля, 23. Плошча памяшкання 40 м2. Загадчыцай была Казюціна Ганна Іванаўна.
-  У 1972 годзе дзяцячая бібліятэка пераведзена на вул. Ш-га Інтэрнацыянала, 24.
-  Дзіцячай бібліятэкай з 1994 да 2007 года загадвала Хацкевіч Наталля Уладзіміраўна. Бібліятэка  з’яўлялася метадычным цэнтрам па рабоце з дзецьмі для сельскіх і школьных бібліятэк.
-  У студзені 2007 года ў сувязі з аб’яднаннем горада і раёна Барысаўская цэнтральная раённая бібліятэка пераўтворана ў гарадскую бібліятэку №6. Да лістапада 2009 года загадчыца – Хацкевіч Наталля Уладзіміраўна.
-  Сёння  бібліятэкай кіруе Цыбулька Алена Міхайлаўна.

Гарадская бібліятэка №6 мае:
-    хатні абанемент;

-    чытальную залу;

-    дзіцячы аддзел.

Пры бібліятэцы з 2004 года працуе клуб “БРІЗ” ( Бодрасць. Радасць і Здароўе). Членам клуба можа стаць любы, хто жадае расшырыць кола зносін, атрымаць зарад энергіі і хоча знайсці дарогу да здароўя. Клуб садзейнічае імкненню ўдзельнікаў да здаровага ладу жыцця, абагачае этыку міжасабовых адносін, падтрымлівае станоўчы эмацыянальна-псіхалагічны зарад бодрасці і энергіі.

Праекты:
“Сэрцам роднага слова краніся”, мэта – выхоўваць любоў да роднай мовы і літаратуры, аб’яднаць вакол сябе ўсіх, хто захапляецца беларускамоўнай літаратурай, гісторыяй і свядома жыве ў беларускай прасторы (2011-2012 год).

Цыклы мерапрыемстваў:
“Адкуль наш род” (2011-2012 год)
“Маіх радкоў няма без Беларусі” (2011-2012 год)
“Слаўныя імёны зямлі Барысаўскай” (2011-2012 год)
“Мой дом, мой народ, мая зямля” (2011-2012 год)
“Кожны з нас прыпасае Радзімы кусочак” (сустрэча з мясцовымі паэтамі) (2011-2012 год)

Фонд бібліятэчных дакументаў складае звыш 58 тыс. адзінак.
Сярэдняя колькасць наведванняў у год 25 тыс.


Платныя паслугі:
1.    выдача кніг з камерцыйнага фонду,
2.    ксеракапіраванне,
3.    сканіраванне і інш. (усяго 30 паслуг).

Наш адрас: 222120, г. Барысаў, Мінская вобл., вул. 3-га Інтэрнацыянала, 24.
Тэлефон:
Загадчыца, абанемент – (80177) 72-27-34

Дзіцячы аддзел – (80177) 72-26-20

E-mail:: borlib-6 @ tut.by
E-mail: Этот e-mail адрес защищен от спам-ботов, для его просмотра у Вас должен быть включен Javascript

Мы працуем:
Панядзелак-пятніца: з 9-00 да 18-00
Субота: з 9-00 да 17-00
Выхадны - нядзеля
Санітарны дзень - апошняя пятніца месяца




МЫ ЧАКАЕМ ВАС У НАШАЙ БІБЛІЯТЭЦЫ!

Поделиться ссылкой

Кто на сайте?

Сейчас 18 гостей онлайн
Яндекс.Метрика
Каталог TUT.BY